Tehran və Vaşinqton arasında İranın nüvə proqramı ətrafında yaranmış böhranın həllinə dair Omanda siyasi və ekspertlər səviyyəsində keçirilən danışıqların üçüncü raundu başa çatıb.
Yeniavaz.com xəbər verir ki, bu barədə İranın dövlət televiziya və radio şirkəti məlumat yayıb.
Bildirilib ki, İran və ABŞ-dən olan ekspertlərdən ibarət nümayəndə heyətləri gələcək razılaşma ilə bağlı hər iki tərəfin gözləntiləri və tələbləri ilə bağlı bəzi detalları dəqiqləşdirə biliblər.