AZ
Mövzular
İqtisadiyyat
14.04.2025 ◦ 15:50

"Bəzi tərəvəzlərin qiyməti qalxacaq" — AÇIQLAMA

Bir neçə müddətdir ki havalar yaxşı keçir. Aprelin 9-dan 12-si gündüzədək ölkə ərazisində hava şəraitinin fasilələrlə yağıntılı olacağı, şimal-qərb küləyinin arabir güclənəcəyi, havanın temperaturunun ötən günlərlə müqayisədə tədricən 5-10 dərəcə aşağı enəcəyi gözlənilir.

Bununla bağlı Kənd təsərrüfatı üzrə ekspert Şahin Nəcəfov Demokrat.az-a açıqlama verib. 

O qeyd edib ki, havaların soyuması bir çox sahələrə müəyyən qədər təsir göstərir:

“İstixana şəraitində yetişən məhsulların istiliyə tələbatı artır. İstər-istəməz məhsuldarlıq aşağı düşür. Ona görə pomidor, xiyar və bu kimi tərəvəzlərdə müəyyən qədər qiymət artımı olacaq.  Çünki həm istilik məsələsi artır, həm də məhsuldarlıq aşağı düşür.  Meyvə bağlarında aqrotexniki xidmətlər ləngiyir. Amma taxılçılıq və digər sahələrə belə havanın faydası var. Ümid edirik ki, havalar daha kəskin soyumaz. Hazırkı temperaturda dəhşətli dərəcədə kənd təsərrüfatını qorxudan səbəblər yoxdur.  İndi Rusiya və Türkiyənin  bəzi bölgələrində qar yağıb.  Bu kənd təsərrüfatı üçün çox ciddi itki, fəlakət deməkdir.  Şükür ki, biz hələ ki o məsələlərdən uzağıq.  Yəni, bu cür hava şəraitinin kənd təsərrüfatına çox ciddi bir təsir olmaz”.

Leyla Turan
Demokrat.az
Seçilən
234
50
demokrat.az

10Mənbələr