Avropa İttifaqının (Aİ) ən böyük dövlətlərinin xarici işlər nazirləri mayın 12-də Londonda britaniyalı həmkarları ilə görüşüb, Ukraynaya dəstək və təhlükəsizlik sahəsində əməkdaşlığı müzakirə etməyi planlaşdırırlar.
Reyting.az xarici KİV-lərə istinadla xəbər verir ki, bu gün Böyük Britaniyanın Xarici işlər naziri David Lammi Londonda Fransa, İtaliya, Almaniya, İspaniya və Polşadan olan həmkarlarını, həmçinin “Aİ nümayəndəsini” qəbul edəcək.
Görüşdə Ukraynaya dəstək və Avropada təhlükəsizlik sahəsində geniş əməkdaşlıq məsələləri müzakirə olunacaq.
Qeyd edək ki, nazirlərin görüşü gələn həftə Aİ liderləri və baş nazir Starmerin iştirakı ilə keçiriləcək sammitdən əvvəl baş verir.
D. Lammi deyib ki, bu, Avropa qitəsində kollektiv təhlükəsizlik üçün nəsildə bir dəfə baş verən bir məqamdır: “Bu gün qarşılaşdığımız problem təkcə Ukraynanın gələcəyi ilə bağlı deyil, o, bütün Avropa üçün ekzistensialdır”.
ELÇİN
