Macarıstan milli azlıqlarla bağlı Ukrayna ilə mayın 12-nə planlaşdırılan danışıqları təxirə salıb.
“İki sahil” UNİAN-a istinadən xəbər verir ki, bu barədə Ukrayna Ədliyyə Nazirliyi məlumat yayıb.
"Əvvəllər Budapeştdə tərəflər Macarıstandan gələn 11 tövsiyəni nəzərdən keçirmək üçün ekspert qruplarının işi barədə razılığa gəliblər. Ukrayna nümayəndə heyəti ilk aralıq nəticələri mayın 12-də gözləyirdi", - nəşr yazır.
Bundan əlavə, məsləhətləşmələrin Ukrayna nümayəndə heyətinin artıq gəldiyi Ujqorodda keçirilməli olduğu bildirilir. Görüşün hansı tarixə dəyişdirildiyi açıqlanmayıb.
Qeyd edilir ki, Macarıstanın Ukraynaya qarşı çoxlu tələbləri var. Buraya xüsusilə, macar dilindən sərbəst istifadə, regional və milli səviyyədə siyasi təmsilçilik hüquqlarının bərpası daxildir.
Ukraynanın ədliyyə naziri Olqa Stefanişina bildirib ki, dialoq davam etməlidir.
