"Bavariya", "Bayer" və Almaniya millisinin müdafiəçisi Conatan Ta ilə, eləcə də onun nümayəndələri ilə danışıqlara başlayıb.
90deqiqe.Az xəbər verir ki, Münhen təmsilçisi 28 yaşlı futbolçunu müdafiə xəttini gücləndirmək üçün əsas transfer hədəfi kimi görür.
Yayda azad agentə çevriləcək Conatan Tanın transferində klubun idman direktorları Maks Eberl və Kristof Freund, eləcə də yeni baş məşqçi Vinsent Kompani israrlıdır.
"Barselona" da alman təmsilçiləri ilə danışıqlar aparır və müxtəlif mətbuatda yayılan məlumatlara görə, artıq futbolçu ilə müqaviləni razılaşdırıb, lakin maliyyə sıxıntıları səbəbindən transferi tamamlaya bilmir.
Daha əvvəl mətbuatda Xabi Alonsonun İspaniya klubuna təyin olunacağı təqdirdə Tanı "Real Madrid"ə transfer etmək istədiyi barədə məlumatlar yayılmışdı.
Bu mövsüm Ta bütün turnirlərdə 47 oyun keçirib, 4 qol vurub və bir məhsuldar ötürmə edib. Transfermarkt portalında verilən məlumata görə, futbolçunun bazar dəyəri 30 milyon avrodur.
