Avropa İttifaqı (Aİ) dondurulmuş Rusiya aktivlərinin yenidən investisiyasından əldə edilən növbəti gəlir tranşı kimi Ukraynanın hesablarına 1 milyard avro köçürüb.
Bu barədə Avropanın iqtisadiyyat üzrə komissarı Valdis Dombrovskis məlumat verib.
O, X sosial şəbəkəsində (keçmiş Twitter) yazıb: "Bu gün biz G7 proqramı çərçivəsində Rusiya aktivlərindən əldə olunan gəlirdən 45 milyard avro məbləğində daha 1 milyard avro köçürdük".
Avropa komissarı qeyd edib ki, bu il bu proqram sayəsində Ukrayna artıq 6 milyard avro əldə edib, gələcəkdə isə Avropa Komissiyası (AK) ona daha 12 milyard avro köçürmək niyyətindədir.
