RU

İstiqlal Muzeyində “Zəfər İrsimiz Dünəndən Bu günə “ adlı tədbir keçirilib

8 May 2025-ci il saat 12:00 – da Azərbaycan İstiqlal  Muzeyində  II Dünya Müharibəsində əldə edilən qələbənin 80 illik yubileyi münasibəti ilə “Zəfər İrsimiz Dünəndən Bu günə “ adlı tədbir keçirilib...

II Dünya Müharibəsində qələbənin əldə olunmasında Azərbaycan xalqının böyük rolu olub. Xalqımız 600 mindən çox oğul və qızlarını cəbhəyə yola salıb.

Onların 300 mindən çoxu döyüşlərdə həlak olub. Həmin müharibə zamanı göstərdikləri igidliyə görə 123 nəfər azərbaycanlı Sovet İttifaqı Qəhrəmanı adına layiq görülüb, 170 mindən çox əsgər və zabitimiz müxtəlif orden və medallarla təltif olunub.

Sərgidə Sovet İttifaqı Qəhrəmanları Mehdi Quliyevin , Həzi Aslanovun şəxsi əşyaları , kontr-admiral Cəlil Cavadovun həmçinin muzeyimizin fondlarında qorunub saxlanılan mövzulu plakat nümunələri , Azərbaycan Xalq Rəssamı Altay Hacıyevin rəsm əsərləri və Azərbaycan Karikatura Sənətinin banisi Əzim Əzimzadənin əsərləri nümayiş olundu.Bununla bərabər Azərbaycan İstiqlal Muzeyinə ailə üzvləri tərəfindən sərgi üçün verilən Sovet İttifaqı Qəhrəmanı Səlahəddin Kazımovun , 416-cı Taqanroq diviziyası komandirinin siyasi iş üzrə müavini polkovnik Rəşid Məcidovun , “Mixaylo” kimi tanınan partizan hərəkatının fəal iştirakçısı Mehdi Hüseynzadənin , Bradenburq qapıları üzərində bayrağı qaldıran ilk azərbaycanlılardan biri olan Əhməd Məcidovun və digər partizan hərəkatı iştirakçılarının şəxsi sənədləri , materialları sərgiləndi.
Tədbirdə Mehdi Hüseynzadənin yaxın qohumu Mehdi Əzizbəyov ,Əhməd Məcidovun oğlu Ramzes Məcidov , Rəşid Məcidovun nəvəsi Məryam Məcidova və digərləri çıxış etdilər.

Tədbirdə BDU-nun Tarix fakültəsinin tələbələri , Mədəniyyət könüllüləri , Bakı Hərbi Kollecinin hərbiyyəliləri və digər qonaqlar iştirak etdilər.

Poliqon.info

Избранный
0
poliqon.info

1Источники