Çiy ətlə təmas edən səthlər, gigiyena baxımından ən çox diqqət tələb edən sahələrin önündəgəlir. Bu səthlərdə zərərli bakteriya və mikroorqanizmlərin sürətlə çoxalması, ciddi sağlamlıq riskləri yarada bilər. Təmizlik zamanı yalnız su ilə yumaq kifayət etmir – uyğun dezinfeksiyaedici vasitələrlə dərin təmizləmə vacibdir. Kəsmə taxtaları, bıçaqlar və masaüstü səthlər ayrı-ayrılıqda təmizlənməlidir. Bu, çarpaz yoluxmanın qarşısını almağın əsas yoludur. Üstəlik, səthin tam qurudulması, nəmişlikdə bakteriyaların çoxalmasının qarşısını almaq üçün önəmlidir.
Pravda.az bildirir ki,düzgün təmizlik vərdişləri mətbəx təhlükəsizliyini təmin edir və qida mənşəli xəstəliklərin qarşısını alır.
Çiy ətlə təmasda niyə gigiyena vacibdir?
Ət məhsulları, salmonella və E. coli kimi zərərli bakteriyalar daşıya bilər. Bu səbəbdən çiy ətə təmasdan sonra səthlərin gigiyenik təmizliyi vacibdir. Mikroorqanizmlər mətbəxdə yayıldıqda qida zəhərlənmələrinə səbəb ola bilər. Buna görə gigiyena qaydalarına ciddi riayət edilməlidir.
Bakteriya və mikroorqanizm riski
Bu orqanizmlər, xüsusilə qida hazırlanan sahələrdə sürətlə çoxala və səthləri çirkləndirə bilər. Nəticədə qida təhlükəsizliyi pozulur və sağlamlıq problemləri yarana bilər.
Çarpaz yoluxma
Çarpaz yoluxma çiy və bişmiş qidalar arasında gigiyena qaydalarının pozulması nəticəsində yaranır. Ən çox rast gəlinən bakteriyalardan biri olan salmonella, ishal, qarın ağrısı və yüksək hərarətə səbəb ola bilər.
Çiy ətlə təmas edən səthlər necə təmizlənməlidir?
Bu səthlər əvvəlcə isti su ilə yuyulmalı, sonra antibakterial təmizləyici ilə silinməlidir. Son mərhələdə səthin qurudulması vacibdir.
Kəsmə taxtası və bıçaq təmizliyi
Çiy ətlə istifadə edilən kəsmə taxtaları və bıçaqlar isti su və uyğun təmizləyici ilə yuyulmalı, sonra qurudulmalıdır.
Təzgah və mətbəx alətləri necə təmizlənməlidir?
Quru bezlə səthdəki qalıqlar təmizlənir
Sirkə və ya limon suyu ilə silinir
Kimyəvi maddələr istifadə olunarsa, səth bol su ilə durulanmalıdır
Təmizlik üçün istifadə olunan süngər və bezlər tez-tez dəyişdirilməlidir
Düzgün dezinfeksiya üsulları
Əvvəl səth çirkdən təmizlənir, sonra alkoqol əsaslı və ya təbii tərkibli dezinfektantlarla silinir. Səthin quru qalması mikrobların yaranmasının qarşısını alır.
Mətbəxdə edilən geniş yayılmış gigiyena səhvləri
Natamam təmizlik və durulama
Bakteriyalar səthdə qalarsa, sağlamlıq üçün təhlükə yaradır. Buna görə sterilizasiya vacibdir.
Çiy və bişmiş qidaların eyni səthdə hazırlanması
Bu, yoluxma riskini artırır. Hər iki növ qida üçün ayrı səthlər istifadə olunmalıdır.
Təmizlik bezləri və süngərlərin yanlış istifadəsi
Bezlər tez-tez dəyişdirilməlidir. Süngərlər istifadə olunduqdan sonra təmizlənməli və nizamlı şəkildə dəyişdirilməlidir.
Gigiyenik mətbəx üçün əlavə tövsiyələr
Təmizlik vasitələri yalnız müəyyən səthlər üçün istifadə olunmalıdır
Qidaların yerləşdiyi sahələr dəyişdirilməli və qarışdırılmamalıdır
İsti su ilə mütəmadi təmizlik edilməlidir
Mətbəx alətləri yalnız təmiz və quru əllərlə istifadə olunmalıdır
Sirkə və təbii təmizləyici istifadəsi
Sirkə yağlı səthlərin təmizlənməsi və bakteriyaların aradan qaldırılmasında təsirlidir.
Əlcək istifadəsinin əhəmiyyəti
Əlcəklər əllərin həm kimyəvi maddələrdən, həm də mikroblardan qorunmasını təmin edir.
Dərin və müntəzəm təmizlik vərdişləri
Təmizlik müddəti nizamlı şəkildə planlaşdırılmalı və səthlər dərin şəkildə təmizlənməlidir.
Əminə Bayramova
