"Mançester Siti" yay transfer pəncərəsi üçün heyətini gücləndirməyi planlaşdırır.
90deqiqe.Az-ın “Defensa Central”a istinadən verdiyi məlumata görə, "şəhərlilər" "Real Madrid"in hücumçusu Rodriqo ilə maraqlanır.
“Mançester Siti” artıq Rodriqo üçün təklif hazırlayır. İngiltərə Premyer Liqa klubu müəyyən məbləğ təklif edəcək və sonradan "Real Madrid"lə razılığa gəlmək üçün onu artıra bilər.
Futbolçunun özü bunu istəsə, “Real” Rodriqonu satmağa hazır olacaq.
24 yaşlı Rodriqonu nüfuzlu Transfermarkt portalının mütəxəssisləri 100 milyon avro qiymətləndirib.
