“Ukrayna Silahlı Qüvvələrinin Rusiyaya hücum etmək üçün istifadə etdiyi pilotsuz təyyarələrin bəziləri birbaşa Rusiya ərazisindən buraxılır”.
Qaziler.az xəbər verir ki, bu sözləri Rusiya Hərbi Hava Qüvvələrinin Xüsusi Təyinatlı Qüvvələri Komandanlığının zenit-raket qoşunlarının keçmiş rəisi, istefada olan polkovnik Sergey Xatılev “NEWS.ru”ya bildirib. Onun sözlərinə görə, bu işdə Kiyevə diversantlar və “beşinci kolon”un nümayəndələri kömək edə bilər.
“Təyyarə tipli PUA-lar var ki, onların xüsusiyyətlərinə 2000 km uçuş qabiliyyəti daxildir. Onlar Ukrayna ərazisindən buraxılır. Feddral Təhlükəsizlik Xidməti və digər qurumlar bəzi dronların Rusiya ərazisindən buraxılmasından xəbərdardır. Sərhəd bölgələrində təxribat və kəşfiyyat qrupları və “beşinci kolon” bu cür fəaliyyət göstərə bilər. İnsanlara pul verilir, resurs verilir və onlar bu vəzifələri yerinə yetirirlər”, - deyə o, izah edib.
Xatılevin sözlərinə görə, Ukrayna mayın 9-da Qırmızı Meydanda keçirilən mərasim tədbirlərini pozmaq üçün Moskvaya pilotsuz təyyarələrlə hücumları gücləndirib.
“Volodimir Zelenski paradın qonağı elan edilən dövlət başçılarının bizə uçmamasına çalışır. Qərb sponsorlarına sübut edir ki, o, müəyyən addımlar atmağa qadirdir. Rusiya prezidenti Vladimir Putin açıq şəkildə bildirib ki, bu, artıq hərbi əməliyyat deyil, terrordur. Bu zaman Zelenski terrorçu kimi təkcə Rusiyanı deyil, digər ölkələri də hədələyir”, - ekspert deyib.
QAZİLER.AZ
