Litva və Latviya mayın 9-da Moskvada keçiriləcək Qələbə Paradında iştirak etməyi planlaşdıran Serbiya Prezidenti Aleksandr Vuçiçin təyyarəsi üçün hava məkanını bağlayıb.AFN.az xarici mediaya istinadən xəbər verir ki, belə bir qərar "uçuşun məqsədinin siyasi həssaslığı" səbəbindən verilib. Qadağanın vaxtı dəqiqləşdirilməyib. Vuçiç mayın 9-da Moskvada keçiriləcək Qələbə Paradında iştirak etməyi planlaşdırır.Qeyd edək ki, Rusiya prezidentinin köməkçisi Yuri Uşakov Vladimir Putinin mayın 9-da Serbiya prezidenti Aleksandr Vuçiçlə ikitərəfli danışıqlar aparacağını açıqlamışdı.
