Bu ilin yanvar-mart aylarında Azərbaycanda əmlak sığortası üzrə 52 milyon 755 min manat sığorta haqqı toplanılıb.
Valyuta.az xəbər verir ki, bu, ötən ilin eyni dövrü ilə müqayisədə 0,59% və ya 307 min manat çoxdur.
2024-cü ilin hesabat dövründə əmlak sığortası üzrə yığımların həcmi 52 milyon 448 min manat olub.
Hesabat dövründə əmlak sığortası üzrə ödənişlərin məbləği 8 milyon 509 min manat olub ki, bu da əvvəlki ilə nisbətən 16,64% və ya 1 milyon 214 min manat çoxdur.
Ötən ilin yanvar ayında əmlak sığortası üzrə ödənişlərin həcmi 7 milyon 295 min manat olub.
Xatırladaq ki, bu ilin yanvar-mart aylarında Azərbaycandakı 16 sığorta şirkətinin xətti ilə 399 milyon 83 min manat sığorta haqqı toplanılıb. Bu, ötən ilin eyni dövrünə nisbətən 6,95% çoxdur.
Hesabat dövründə sığorta şirkətlərinin ödənişlərinin məbləği isə 164 milyon 29 min manat təşkil edib. Bu isə illik müqayisədə 6,98% çoxdur.
Maya Hüseynova
