ABŞ Təhsil Nazirliyi Ağ Evin tələblərini yerinə yetirməyincə Harvard Universitetinə yeni federal maliyyə vəsaitinin verilməyəcəyini açıqlayıb.Təhsil naziri Linda McMahon qərarı Harvard Universitetinin prezidentinə yazdığı məktubda açıqlayıb.McMahon məktubda Harvardın ABŞ-a nifrət edən əcnəbi tələbələri qəbul etməklə ölkənin ali təhsil sistemini ələ saldığını iddia edib.Prezident Donald Tramp administrasiyasının federal qanunlara əməl etmək öhdəliyi götürdüyü müddətcə Harvarda federal maliyyə ayırmağa davam etməyə hazır olduğunu xatırladan McMahon "Harvard qanuni öhdəliklərinə, etik və fidusiar vəzifələrinə, şəffaflıq məsuliyyətlərinə və bütün akademik ciddiliyə əməl etməkdə hər şəkildə uğursuz oldu" ifadəsini işlədib."Universitet ən yaxşı halda millətimizin ən yüksək ideallarına uyğun yaşamalı və onun möhtəşəm qapılarından keçən minlərlə ümidli tələbəni işıqlandırmalıdır. Lakin Harvard bu ideala xəyanət etdi" deyə McMahon vurğulayıb.Qeyd edək ki, nazirlik rəsmiləri bu gün keçirdiyi mətbuat konfransında Harvardın universitet idarəçiliyində məsuliyyət nümayiş etdirməyincə, yeni federal tədqiqat fondları üçün uyğun olmayacağını bildiriblər. Səlahiyyətlilər qərarın yalnız tədqiqat qrantlarını əhatə etdiyi və tələbə təhsili yardımının təsirlənməyəcəyi barədə məlumat paylaşıblar.
