Olaylar.az xəbər verir ki, bu sözləri Globalinfo.az-a siyasi şərhçi Mütəllim Rəhimli son vaxtlar Ermənistanda revanşistlərin aktivləşməsi və Rusiyadan xüsusilə Qarabağ məsələsi haqda kömək istəməsi haqda danışarkən deyib.
O bildirib ki, erməni siyasilər Qarabağın itirildiyini artıq qəbul ediblər:
"Lakin onun haqqında danışmaqla opponentlərini erməni ictimaiyyətinin gözündən salmağa çalışırlar. Qarabağ məsələsi həm də Ermənistanın xarici siyasətində bir faktor kimi istifadə edilməkdədir. Siyasilər bu yolla Ermənistanı "qumar"a qoyurlar. Belə ki, həm ölkələrini xarici güclərə təklif edirlər, onların siyasi maraqlarını təmin etməyə hazır olduqlarını bildirirlər, həm də daxili ictimai rəyi və siyasi xətti yönləndirmək istəyirlər.
Mütəllim Rəhimli
Vitali Balasanyanın Rusiya prezidenti Vladimir Putinə müraciəti də bundan uzağa getmir. Onun Qarabağa qayıtmaq istəyi yoxdur. Bunun perspektivi olmadığını da gözəl dərk edir. Sadəcə olaraq Putinə göstərmək istəyir ki, əgər Rusiyaya regionda nəsə lazımdırsa, Balasanyan kimi vətənini satmağa hazır olan bir kəs var.
Ermənistanın indiki durumu imkan vermir ki, o əvvəlki kimi regionda araqarışdırıcı rolunu oynaya bilsin. Bunu Rusiya da, Fransa da, başqaları da bilir. Ona görə də belə addımları diqqətdə saxlasaq da, ona ciddi yanaşmaq üçün əsas yoxdur".
