Kataloniya "Barselona"sının ispaniyalı vingeri Ansu Fati böyük ehtimalla mövsüm başa çatdıqdan sonra klubu tərk edəcək.
BAKU.WS xəbər verir ki, bu barədə "El Nacional" məlumat yayıb.
Bildirilib ki, komandanın baş məşqçisi Hans-Diter Flik artıq 22 yaşlı futbolçudan yaxa qurtarmaq istəyir, lakin digər amil onun La Liqanın son oyununda "Valyadolid"lə (2:1) çıxışı olub – futbolçu almaniyalı çalışdırıcını tamamilə məyus edib və bu, çox güman ki, bu mövsüm başa çatdıqdan sonra komandada qalmaq şansından məhrum olub.
Qeyd edək ki, 2024/2025 mövsümündə Ansu Fati klub səviyyəsində 11 oyun keçirib, qol vurmayıb. Transfermarkt oyunçunun dəyərini 5 milyon avro olaraq qiymətləndirir.
