Misli Premyer Liqasının XXXIII turunda “Qarabağ” evdə “Sumqayıt”la üz-üzə gələcək.
İdmanxeber.az-ın məlumatına görə, Ağdam klubu görüşə bir itki ilə çıxacaq. Qapıçı Şahruddin Məhəmmədəliyev meydana çıxa bilməyəcək.
“Sumqayıt”da isə 3 oyunçu bu matçda komandasına kömək edə bilmir. İsa Suliman, Elvin Bədəlov və Sertan Taşkın zədəli olduqları üçün bu oyunu buraxacaqlar.
İki komandanın heyətində də cəzalı futbolçu yoxdur.
“Qarabağ” – “Sumqayıt” qarşılaşması bu gün saat 20:00-da start götürəcək.
