Hamiləlik dövründə həm ananın, həm də dölün sağlam inkişafı üçün balanslı və düzgün qidalanma mühüm əhəmiyyət daşıyır. Bu müddət ərzində, xüsusilə ilk trimestrdə fol turşusu və dəmir kimi həyati əhəmiyyətli vitamin və mineralların qəbulu artırılmalıdır. Ay-ay tərtib olunan qidalanma cədvəli, ana namizədinin sağlam və problemsiz hamiləlik keçirməsinə kömək olur.
Pravda.az bildirir ki, bu planlar mütləq şəkildə həkim və diyetoloq nəzarəti ilə hazırlanmalıdır.
Hamiləlikdə nə yeyilməlidir?
Hamiləlik dövründə düzgün və müxtəlif növlü qidaların qəbulu, dölün inkişafı üçün əsas şərtlərdəndir. Gündəlik menyuda təzə meyvə və tərəvəzlər, lifli və vitaminlə zəngin məhsullar mütləq yer almalıdır. Tam taxıllı məhsullar, bişmiş yumurta, balıq, paxlalılar, az yağlı süd məhsulları əsas protein və kalsium mənbələri hesab olunur.
Təhlükəsiz və sağlam qidalanma üçün:
Çiy və az bişmiş ət və yumurtadan uzaq durulmalıdır
Qidalar bol suda yuyulmalı və çiy məhsullarla bişmişlər ayrı saxlanmalıdır
Qablaşdırılmamış və pastörizə olunmamış süd məhsullarından çəkinilməlidir
Ana bətnində döl necə qidalanır?
Dölün bütün qida ehtiyacları plasenta vasitəsilə ananın qan dövranından təmin olunur. Vitaminlər, mineral maddələr və oksigen ananın orqanizmindən körpəyə ötürülür. Dölün sümük inkişafı üçün kalsium, qan hüceyrələrinin formalaşması üçün isə dəmir həyati önəm daşıyır. Bu səbəbdən ana namizədi gündəlik menyusunda bu tərkibli məhsullara üstünlük verməlidir.
Ay-ay hamiləlikdə qidalanma siyahısı
Birinci ay:
Fol turşusu qəbuluna üstünlük verilməlidir: ispanaq, mərci, tam taxıllar
200-250 qram yağsız ət dəmir ehtiyacını qarşılayar
B6 vitamini: avokado, toyuq, şirin kartof – səhər ürəkbulanmasını azalda bilər
İkinci ay:
Dölün əsas orqanları formalaşır
Omega-3 ilə zəngin balıq (həftədə 2 porsiya) və yumurta tövsiyə olunur
Quru meyvələr (qoz, badam) E və C vitamini ilə zəngindir
Üçüncü ay:
Bulantılar azalmağa başlayır
D vitamini üçün süd və portağal suyu istehlakı artırılmalıdır
Liflə zəngin məhsullar: alma, yulaf, brokoli
2-ci Trimestr: Artan enerji və protein ehtiyacı
Dördüncü ay:
Gündəlik əlavə 300 kalori alınmalıdır
Protein və dəmir ehtiyacını qarşılamaq üçün yumurta, noxud, ət
Beşinci ay:
Kalsium: süd məhsulları, brokoli
C vitamini: sitrus meyvələri (portağal, naringi)
Altıncı ay:
Döl daha aktiv olur
Liflə zəngin qidalar və kalium (avokado) ilə maye balansını qoruyun
3-cü Trimestr: Son hazırlıqlar
Yeddinci ay:
Zülal ehtiyacına diqqət: toyuq, balıq, yumurta
Somon kimi yağlı balıqlar beyin inkişafına dəstək olur
Səkkizinci ay:
Enerji verən və yuxunu tənzimləyən qidalar: qoz, somon, albalı
Omega-3 və melatonin tənzimləyici məhsullara üstünlük
Doqquzuncu ay:
Günlük su istehlakı: ən azı 2,5 litr
Yumşaq və həzmə asan qidalar seçilməlidir
Əminə Bayramova
