İstanbul şəhərinin hüquq-mühafizə orqanları hökumət tərəfindən icazə verilməyən kortəbii aksiyaların təşkilinə cəhd etdikləri üçün təxminən 300 nəfəri saxlayıb.
"Report" TASS-a istinadən xəbər verir ki, bu barədə Müasir Hüquqşünaslar Assosiasiyası məlumat yayıb.
Qeyd olunub ki, şəhər administrasiyası icazəsiz 1 May nümayişlərinin keçirilməsinin qarşısını almaq üçün gücləndirilmiş təhlükəsizlik tədbirləri görüb.
İstanbul hakimiyyəti həmkarlar ittifaqlarına 1 May nümayişlərini yalnız Kadıköy və Kartalda keçirməyə icazə verib. Türkiyədə mayın 1-də qeyd olunan Əmək və Həmrəylik Günündə təhlükəsizliyin təmin edilməsi üçün təxminən 40 min polis cəlb edilib.
