22 May 2025-ci il tarixində Bakı Mühəndislik Universiteti və "HBN Group" MMC-nin birgə təşkilatçılığı ilə “CareerFest BEU 2025” adlı festival keçiriləcək.
Son zamanların ən aktual məsələlərindən biri də gənclərin öyrənmə maraqlarınıın dəyişməsidir. Artıq gənclər əylənərək öyrənməyi və məlumat əldə etməyi seçirlər. Bütün bunları nəzərə alınaraq əmək yarmarkalarına yeni rəng, yeni nəfəs, yeni maraqlar qatmaqla tələbə və məzunlar ilə müəssisələri açıq havada festival formatında bir araya gətirmək planlaşdırılır. Karyera festivalı interaktiv fəaliyyətlər, oyunlar və əyləncəli təcrübələrlə dolu olacaq, iştirakçılar həm öyrənəcək, həm də əylənəcəklər.
22 May 2025 tarixində saat 10:00-15:00 aralığında Bakı Mühəndislik Universitetində keçiriləcək “CareerFest BEU 2025” adlı Karyera festivalında dövlət və özəl sektora aid müxtəlif təşkilatlar və şirkətlər iştirak edəcəkdir. Festivalın gedişatı kütləvi informasiya vasitələri tərəfindən geniş işıqlandırılacaqdır.
Müəssisə və təşkilatlar“CareerFest BEU 2025”-də iştirak etməyə dəvət olunurlar. Festivalda iştirak etmək istəyən müəssisə və təşkilatlardan (nazirlik, komitə, idarə, müəssisə, şirkət, firma və s.) ən gec 6 May 2024-cü il tarixinədək "HBN Group" MMC-nin təlim və inkişaf şöbəsinə müraciət etmələri xahiş olunur.
Festivalda iştirak edəcək müəssisələrə təkliflər:
- Tədbirə sponsorluq etmək imkanı (+99470 740 88 40);
- Şirkətin stendinin qurulması (stend açıq havada çadırlarda qurulacaq və maksimum 2 nəfərlik yer ayrılacaq);
- Tələbə və məzunlara şirkət, təcrübə və təqaüd proqramları, vakansiyalar haqqında məlumat verilməsi;
- Müəssisəyə aid məhsul və xidmətlər haqqında broşürlərin tələbə və məzunlara paylanması, promo məhsulların hədiyyə verilməsi.
"HBN Group" inanır ki, “CareerFest BEU 2025” karyera festivalı tələbə və məzunların şirkətlərdə olan mövcud vakansiya və təcrübə proqramları ilə yaxından tanış olmaları və onların məşğulluğunun artırılması üçün mühüm rol oynayacaqdır.
