Azərbaycanda vəfat edən şəxsin yaxınlarına dəfnlə bağlı maddi dəstək göstərilir. Bu məqsədlə dəfn müavinəti verilir. Təəssüf ki, bir çox insan bu hüquqdan ya xəbərsizdir, ya da onu necə əldə etməli olduğunu bilmir.
Dəfn müavinəti nədir? Kimlərə verilir, nə qədərdir?
Publika.az Globalinfo.az-a istinadən xəbər verir ki, ölüm sosial sığorta hadisəsi hesab olunur.
Dəfn üçün müavinət də sosial sığorta üzrə ödəmələrin bir növüdür. Buna görə birdəfəlik müavinət “İşsizlikdən sığorta haqında” qanuna uyğun olaraq, işsizlikdən sığorta ödənişi alan, sığorta olunan şəxslər və ya əmək pensiyası alan şəxslər vəfat etdikdə ödənilir.
3 misli qədər…
Belə ki, işsizlikdən sığorta alan və sığorta olunan şəxslər vəfat etdikdə müavinətin məbləği 500 manat olur. Əmək pensiyası alan şəxslər vəfat etdikdə isə sözügedən ödəniş pensiyanın minimum məbləğinin 3 misli qədər müəyyən edilir.
Nəzərə alsaq ki, hazırda əmək pensiyalarının minimum məbləği 320 manatdır, o zaman bu ödəniş 960 manatdır.
