Vətəninfo.az xəbər verir ki, dünən Bakıda rəsmi səfərdə olan İran prezidenti Məsud Pezeşkian Azərbaycanda yaşayan iranlılarla görüşündə deyib: “Əgər biz fikir ayrılığı əvəzinə əməkdaşlıq etsək, bölgədə yeni sivilizasiya və yeni ab-hava yarada bilərik”.
Görüşdə dahi Azərbaycan şairi Nizami Gəncəvinin əsərlərindən söz açan Pezeşkian bildirib: “Nizami Gəncəvi bu torpağa məxsusdur. Bu, bizim bir millət, bir mədəniyyət və bir güc olduğumuzu göstərir”.
İki ölkə arasında mövcud maneələri tənqid edən Pezeşkian, “avropalılar sərhədləri ləğv etməklə inkişafa nail olduqları halda, niyə sərhədlər bizim bölgədə ticarətə mane olmalıdır?”, – deyə, çıxışında vurğulayıb.
