ChatGPT-ni dünyaya bəxş edən "OpenAI" süni intellekt dünyasında nəhəng bir oyunçuya çevrildikcə, onun keçmiş əməkdaşları da öz startaplarını quraraq sektora yeni nəfəs gətiriblər.
Bəziləri məhsul belə təqdim etmədən milyardlarla dollar sərmayə toplaya bilib. İlya Sutskeverin "Safe Superintelligence"i və Mira Muratinin "Thinking Machines Lab"ı bu fenomenin ən parlaq nümunələrindəndir.
Valyuta.az "OpenAI” əməkdaşlarının qurduğu ən diqqətçəkən layihələri təqdim edir.
Anthropic
Dario və Daniela Amodei qardaşları 2021-ci ildə "OpenAI"dan ayrılaraq təhlükəsiz süni intellekt yaratmaq məqsədilə "Anthropic"i təsis etdilər. Daha sonra "OpenAI"ın təsisçilərindən Con Şulman da onlara qoşuldu. Şirkət qısa müddətdə sürətlə böyüyərək 61,5 milyard dollarlıq qiymətləndirməyə çatıb və "OpenAI"ın ən ciddi rəqibinə çevrilib.
Safe Superintelligence
İlya Sutskever "OpenAI"dan ayrıldıqdan sonra yalnız bir məqsədi olan bir startap yaratdı: təhlükəsiz süni intellekt. Hələlik məhsulu yoxdur, amma artıq 2 milyard dollar sərmayə cəlb edib. Palo-Alto və Təl-Əvivdə fəaliyyət göstərən "SSI" bu sahədə maraq doğurur.
Thinking Machines Lab
"OpenAI"ın keçmiş baş texnologiya direktoru Mira Murati, süni intellekti daha "fərdiləşdirilə bilən" və "bacarıqlı" etmək iddiası ilə San-Fransiskoda yeni bir startap qurdu. Hələlik konkret məhsulu olmasa da, dəyəri 10 milyard dolları keçmək üzrədir.
Perplexity
Aravind Srinivas tərəfindən yaradılan "Perplexity", ənənəvi axtarış mühərriklərinə rəqib olaraq süni intellektlə işləyən yeni nəsil bir platformadır. "Ceff Bezos" kimi investorların dəstəyini qazanıb və hazırda 18 milyard dollar dəyərində qiymətləndirilir.
xAI:
Kyle Kosic "OpenAI"dan ayrılaraq "Elon Musk"ın "xAI" startapına qoşuldu. "xAI" qısa müddətdə "X" (əvvəlki "Twitter") platformasını alaraq 113 milyard dollarlıq bir texnologiya nəhənginə çevrildi.
Stem AI
Emmett Shear "OpenAI"ın keçmiş müvəqqəti CEO-su hazırda "Stem AI" adlı sirli bir startap üzərində işləyir. Rəsmi məlumatlar az olsa da, sahədə maraq doğurub.
Eureka Labs
Andrej Karpathy, süni intellekt biliklərini daha əlçatan etmək üçün "Eureka Labs"ı təsis edib. Məqsəd — təhsil sahəsində inqilab yaratmaqdır.
Pilot
"OpenAI"ın keçmiş əməliyyat rəhbəri Jeff Arnold, "Pilot" startapı ilə startaplar üçün innovativ mühasibat xidmətləri təklif edib və uğurla inkişaf etdirib.
Adept AI Labs
David Luan tərəfindən qurulan "Adept AI" ofis mühitinə süni intellekti effektiv şəkildə inteqrasiya etmək üzərində çalışır.
Cresta
Tim Shi tərəfindən təsis olunan "Cresta" müştəri xidmətləri sahəsində süni intellektin imkanlarını genişləndirir və bu sahəyə yüz milyonlarla dollar sərmayə cəlb edib.
Covariant
Pieter Abbeel, Peter Chen və Rocky Duan, robotların ağıllı hərəkət etməsini təmin etmək üçün "Covariant" startapını qurublar. Amazon da bu komandaya böyük maraq göstərib.
Living Carbon
Maddie Hall daha çox karbon udan bitkilər yaratmaq məqsədilə "Living Carbon" startapını təsis edib və ekoloji problemlərə fərqli yanaşma sərgiləyib.
Prosper Robotics
Shariq Hashme evlərdə xidmət göstərə bilən robotlar hazırlamaq üçün "Prosper Robotics"i qurub və texnologiyanın gələcəyinə fərqli bir toxunuş gətirib.
Daedalus
Jonas Schneider tərəfindən qurulan "Daedalus", dəqiqlik tələb edən istehsal sahəsində süni intellekt əsaslı yeniliklər edir.
Kindo
Margaret Jennings tərəfindən təsis olunan "Kindo" müəssisələr üçün AI əsaslı çatbotlar hazırlayır və bu sahədə sürətlə böyüyür.
Sərvanə Rəmixanova
