Şimali Koreya Ukraynaya qoşun göndərdiyini təsdiqləyib

Bu barədə Şimali Koreyanın hakim Fəhlə Partiyasının Mərkəzi Hərbi Komissiyası bəyanat yayıb. Bəyanatda vurğulanır ki, lider Kim Çen In "qarşılıqlı müdafiə müqaviləsi əsasında Rusiyaya hərbi qoşun göndərmək qərarına gəlib".

ABŞ, Cənubi Koreya və Ukraynanın kəşfiyyat orqanları Şimali Koreyanın keçən ilin payızında Rusiyaya təqribən 10-12 min əsgər göndərdiyini mütəmadi bildirsə də, rəsmi Pxenyan özü bu günədək belə bir faktı nə təsdiqləmiş, nə də danmışdı.

"Bu qərar Rusiya Silahlı Qüvvələri ilə birlikdə Ukraynanın neonasist işğalçılarını aradan qaldırmaq, Kursk ərazisini azadlığa çıxarmaq məqsədi daşıyırdı. Ədalət uğrunda mübarizə aparanların hər biri qəhrəmandır",– Kim Çen Inın dilindən verilən bəyanatda deyilir.

Firudin Həmidli
AzVision.az