28 aprel – görkəmli oftalmoloq, akademik Zərifə Əliyevanın doğum günüdür. Bu əlamətdar gündə biz yalnız onun elmi nailiyyətlərini deyil, həm də Zərifə xanım ilə Ümummilli Lider Heydər Əliyev arasında formalaşmış dərin məhəbbət və möhkəm ailə dəyərlərini yad edək. Onların münasibətləri Azərbaycan cəmiyyətinə sevgi, hörmət və qarşılıqlı dəstək nümunəsi təqdim edib.
Zərifə Əliyeva Naxçıvanın Şahtaxtı kəndində elmə, vətənpərvərliyə və ailə dəyərlərinə bağlı mühitdə bir böyümüşdü. Onlar, Heydər Əliyev gənc təhlükəsizlik zabiti olarkən 1948-ci ildə evlənərək həm şəxsi, həm də ictimai sahədə misilsiz cütlük oldular.
Ümummilli Lider Heydər Əliyev Zərifə xanım haqqında yazmışdı:
“Mən onu çox sevirdim və onun da məni sevdiyini hiss edirdim. Aramızdakı məhəbbətin dərinliyini sübut etməyə ehtiyac yox idi.” Bu səmimi sözlər onların sevgisinin səmimiliyini və sözün həqiqi gücünü göstərirdi.
Zərifə xanım nüfuzlu oftalmoloq, akademik kimi ölkənin elmi həyatında fəal idi. Eyni zamanda o, iki övlad – Sevil və İlham üçün qayğıkeş ana idi. Ailə üzvləri qeyd edirdilər ki, Zərifə xanım karyera və ailə öhdəliklərini mükəmməl şəkildə uzlaşdırırdı. Onların ailəsində hər zaman qarşılıqlı hörmət əsas yer tutub. Heydər Əliyev Zərifə xanımın fikirlərini dəyərləndirir, onun elmi məqamda uğurlarını qürurla qeyd edirdi. Zərifə xanım isə həyat yoldaşını dövlət işlərində dəstəkləyir, onun vətən xeyrinə gördüyü fəaliyyətin arxasında sadiq yoldaş idi.
Onların evində həmişə açıq ünsiyyət vardı. Sevil və İlham kiçik yaşlarından valideynlərinin bir-biri ilə səmimi danışığını, fikirlərini bölüşməsini müşahidə edirdilər. Hər iki valideyn uşaqların tərbiyəsində fəal iştirak edirdilər. Bu, gələcək nəsillərə məsuliyyətin paylaşılması nümunəsini təqdim edirdi.
Zərifə xanımın elmi uğurları və Heydər Əliyevin milli inkişaf strategiyaları ailədə elmə və vətənə sevginin vacibliyini gündəmdə saxlayırdı.
Zərifə Əliyeva 1985-ci ildə dünyasını dəyişsə də, onların ailə modeli bu gün də Azərbaycan cəmiyyətinə ilham verir. Övladları – Prezident İlham Əliyev və Sevil Əliyeva – valideynlərindən miras qalan sevgi, hörmət və elmə bağlılıq dəyərlərini daşıyırlar.
Zərifə Əliyeva və Ümummilli Lider Heydər Əliyev arasındakı məhəbbət təkcə iki insanın deyil, bütöv bir millətin mənəvi dayağına çevrildi. Onların münasibətlərində səmimiyyət, qarşılıqlı hörmət və ailə məsuliyyəti — bugünkü və gələcək nəsillər üçün əvəzsiz örnəkdir.
Zərifə Əliyeva – elmin, mərhəmətin və ülvi qadınlığın adıdır. Onun ömrü yalnız yaşadığı dövrə deyil, gələcəyə də nur saçan bir irs qoydu. Həyatını insan sağlamlığına, cəmiyyətə və ailə dəyərlərinə həsr edən Zərifə xanım, əsl fədakarlığın və yüksək mənəviyyatın rəmzi oldu. Bu gün, onun doğum günündə biz bir daha dərk edirik ki, bəzi insanlar ömürləri bitdikdən sonra belə zamanın axarında silinmir, əksinə, hər ötən gün daha da ucalır, daha da əzizləşir. Zərifə Əliyevanın adı – saflığın, zəkanın və insansevərliyin zirvəsi kimi ürəklərdə əbədi yaşayacaq.
Onun xatirəsi qarşısında sonsuz ehtiramla baş əyir, bir daha anlayırıq: böyük insanlar zamanın yox, əbədiyaşarın övladlarıdır.
News365.az, Məryəm Bağırova
