Ukrayna çox güman ki, heç vaxt NATO-ya daxil olmayacaq.
NOCOMMENT.az Milli Təhlükəsizlik Journalının məlumatına görə, bunu beynəlxalq əlaqələr üzrə professor Endryu Latham deyib.
“Belə olmamalıdır. NATO illər əvvəl Ukraynaya sərt həqiqəti deyə bilərdi: onun NATO-ya üzvlük hüququ yoxdur və heç vaxt da olmayacaq. Amma bunun əvəzinə alyans qeyri-müəyyənliyi seçdi”, – bəyanatda deyilir.
Latham əsas maneə kimi NATO-nun qaydasını göstərir ki, həll edilməmiş ərazi mübahisələri və ya xarici qoşunların mövcudluğu olan heç bir ölkə alyansa qəbul edilə bilməz.
Bundan əvvəl məlum olub ki, ABŞ sülh planının bir hissəsi kimi Ukraynaya NATO-ya üzv olmaqdan imtina etməyi təklif edib. ABŞ Dövlət Departamentinin adı açıqlanmayan rəsmisinin sözlərinə görə, tələb ultimatum deyil və müzakirə üçün “potensial variantlar siyahısı”nın bir hissəsidir.
