İranın xarici işlər naziri Abbas Əraqçi ABŞ ilə dolayı danışıqlara getdiyi Omanın paytaxtı Maskatda İran dövlət televiziyasına danışıb.
Publika.az xəbər verir ki, Əraqçi ABŞ ilə bərabər şərtlərlə ədalətli və şərəfli bir razılaşma əldə etmək istədiklərini dilə gətirib.
"Qarşı tərəf də eyni şəkildə dolayı danışıqlara girərsə, inşallah danışıqlara səbəb ola biləcək ilkin razılaşma şansı əldə olunar", - deyə o qeyd edib.
İranlı nazir kifayət qədər iradə olarsa, görüş cədvəlinin də müəyyən ediləcəyini söyləyib.
