Rosaviatsia xəbər verir ki, Moskva vaxtı ilə saat 05:11-də Vnukovo hava limanı təyyarələrin gəliş-gedişinə qoyulan məhdudiyyətləri aradan qaldırıb. Saat 05:50-də Kaluqa hava limanı da fəaliyyətini bərpa edib. Departamentin məlumatına görə, Moskvanın bütün hava limanları normal rejimdə işləyir. Əvvəllər, Domodedovo, Şeremetyevo və Jukovski də daxil olmaqla, təyyarələrin gəlişi və gedişi ilə bağlı məhdudiyyətlər tətbiq edilib. Moskva meri Sergey Sobyaninin verdiyi məlumata görə, şəhərə yaxınlaşan 12 pilotsuz təyyarə vurulub. Daha səkkiz PUA Tver üzərində məhv edilib. Qubernator Dmitri Milyaev bildirib ki, Tulada bir dron yaşayış binasının həyətinə düşüb.“Kommersant” xəbər verir ki, İvanovo, Tula, Lipetsk və Tambov vilayətlərində, eləcə də Moskva yaxınlığındakı Jukovskidə PUA-dan hücum təhlükəsi rejimi elan edilib.
Surxay Əliyev
