Dünya çempionu karyerasını başa vurur

"Komo"nun futbolçusu Pepe Reyna hazırkı mövsümün sonunda karyerasını başa vuracaq. 

QOL.az xəbər verir ki, bu barədə onun özü açıqlama yayıb. 

42 yaşlı qapıçının son matçı İtaliya A Seriyasının 38-ci turunda keçiriləcək "Komo" - "İnter" qarşılaşması olacaq. O, karyerasını bitirdikdən sonra "Vilyareal"ın akademiyasında çalışacaq. 

Qeyd edək ki, Pepe Reyna "Barselona", "Liverpul", "Bavariya", "Napoli", "Milan", "Aston Villa", "Vilyareal", "Latsio" kimi klublarda çıxış edib. O, həmçinin 2010-cu ildə İspaniya millisinin heyətində dünya çempionatının qalibi olub.