ABŞ prezidenti Donald Tramp mayın 13- dən 16- dək Yaxın Şərqə səfər edəcək . O , Səudiyyə Ərəbistanı , Qətər və Birləşmiş Ərəb Əmirliklərinə ( BƏƏ ) səfər edəcək .
Vətəninfo.az xəbər verir ki, Papa Fransiskin dəfn mərasimi üçün Romaya qısa səfərdən başqa , bu , prezidentin yanvarın 20 – də vəzifəyə başladıqdan sonra ilk tamhüquqlu xarici səfəridir . Səudiyyə Ərəbistanı həm də Trampın birinci müddətində ( 2017-2021 ) rəsmi səfərdə olduğu ilk ölkə olub .
Gözlənildiyi kimi, Tramp Ər -Riyadda ABŞ – Körfəz Əməkdaşlıq Şurasının sammitində iştirak edəcək . Amerika mediasının məlumatına görə, prezident ABŞ-ın Yaxın Şərqdəki rolu və məqsədləri ilə bağlı öz baxışını təqdim etməyi gözləyir . Axios -un mənbələrinə görə , sammit mayın 14 – nə planlaşdırılıb .
Səfərin əsas məqsədləri iqtisadi sövdələşmələrin bağlanması və Amerika iqtisadiyyatına investisiyaların cəlb edilməsi olacaq . Fələstin – İsrail münaqişəsinin həlli məsələsinin də müzakirə olunacağı gözlənilir . Qətər İsrail və Fələstinin radikal Həmas hərəkatı arasında aparılan danışıqlarda əsas vasitəçidir . Tramp qlobal neft qiymətlərini də müzakirə etməyi planlaşdırır . ABŞ- ın iqtisadi böyüməsini sürətləndirmək üçün onları azaltmaq administrasiyanın əsas məqsədlərindən biridir .
CNN-in məlumatına görə, Amerika nümayəndə heyətinə xüsusilə dövlət katibi Marko Rubio, Pentaqonun rəhbəri Pit Heqset və maliyyə naziri Skott Besant daxildir. Teleşirkətin mənbələrinin qeyd etdiyi kimi, onlar regiondakı həmkarları ilə ikitərəfli görüşlərdə iştirak etmək üçün prezidentdən ayrı uçacaqlar. Nümayəndə heyətinə ticarət naziri Hovard Latnik və prezidentin xüsusi nümayəndəsi Stiven Uittok daxil ola bilər.
