Vətəndaş həmrəyliyi və sağlam həyata çağırış: Abşeron Milli Parkında veloyürüş — FOTOLAR

 

Tədbir TƏBİB-in Pirallahı Tibb Mərkəzinin təşkilatçılığı, Abşeron Milli Parkının və 11 saylı Regional Ekologiya və Təbii Sərvətlər İdarəsinin dəstəyi ilə baş tutub.

 

İki mərhələdə, eyni məsafə üzrə keçirilən yürüşə ümumilikdə 100-dən artıq tibb işçisi və könüllü qatılıb. Ulu Öndərin əziz xatirəsinə ehtiram, ölkəmizin suverenliyinin və vətəndaş həmrəyliyinin təbliği, sağlam həyat tərzinin təşviqi məqsədi daşıyan tədbir iştirakçılar tərəfindən böyük ruh yüksəkliyi ilə qarşılanıb.

 

Sonda veloyürüş iştirakçılarına sertifikat və hədiyyələr təqdim olunub. Tədbir Şahdili turu ilə yekunlaşıb.

• Konstitusiya
• Təbii Sərvətlər
• Ekologiya
• Vətəndaş Həmrəyliyi
• Sağlam Həyat
• Veloyürüş
• Abşeron Milli Park
• Suverenlik İli
• Pirallahı Tibb Mərkəzi