Budapeşt, 10 may, AZƏRTAC
Macarıstanın xarici işlər naziri Peter Siyarto bildirib ki, Macarıstan hökuməti Ukraynanın Budapeştdəki səfirliyində çalışan iki ukraynalını “diplomatik pərdə altında” casusluq üstündə ölkədən çıxarıb. O əlavə edib ki, hökumət bundan sonra Kiyevin Macarıstana qarşı böhtançılıq fəaliyyətini davam etdirməsinə dözməyəcək.
AZƏRTAC xəbər verir ki, Macarıstan Xarici İşlər Nazirliyinin məlumatına görə, Ukraynada anti-Macarıstan təbliğatı güclənir, çünki macarlar sülh istəyir və müharibəyə yox deyir: “Biz Ukraynaya silah göndərməmişik və göndərməyəcəyik, həmçinin Macarıstanın müharibəyə cəlb olunmasına imkan verməyəcəyik”.
Nazir bildirib ki, iki agentin ölkədən çıxarılması ilə bağlı protokol Ukraynanın Macarıstandakı səfirinə təqdim olunub.
Vüqar Seyidov
AZƏRTAC-ın xüsusi müxbiri
Budapeşt
