BAKI, 8 may. TELEQRAF
ABŞ Hindistan və Pakistanı gərginliyi azaltmağa təşviq etməyə hazırdır, lakin ölkələr arasındakı müharibəyə qarışmaq niyyətində deyil.
Teleqraf xəbər verir ki, bunu ABŞ-nin vitse-prezidenti Devid Vens deyib.
"Biz onları gərginliyi azaltmağa təşviq edə bilərik, lakin mahiyyət etibarilə bizə aid olmayan müharibəyə qarışmaq niyyətində deyilik", - o, “Fox News” telekanalına müsahibəsində bildirib.
Vensin sözlərinə görə, ABŞ nə Hindistana, nə də Pakistana “silahı yerə qoy!” deyə bilməz. "Biz bu məqsədə diplomatiya vasitəsilə nail olmağa çalışacağıq", - Vens deyib və ABŞ lideri Donald Trampın bu münaqişədə gərginliyin tezliklə azaldılmasında maraqlı olduğunu əlavə edib.
