Türkiyənin "Silivri" həbsxanasında cəza çəkən Zəfər Partiyasının sədri Ümit Özdağ səhhəti ilə bağlı xəstəxanaya aparılıb.
Far.Az xəbər verir ki, bu gün Ankara 26 saylı Ağır Cəza Məhkəməsində keçirilən iclasda iştirak etməyən Özdağla bağlı məlumatı məhkəmə sədri açıqlayıb.
Qeyd edək ki, Ankara Respublika Baş Prokurorluğu tərəfindən hazırlanan ittiham aktına əsasən, 26 fevral 2020-ci ildə Türkiyə Böyük Millət Məclisində keçirilən mətbuat konfransında MİT əməkdaşlarının kimlik, vəzifə və fəaliyyətləri ilə bağlı məlumat verdiyi üçün Ümit Özdağ barəsində vəzifəsindən sui istifadə etməklə bağlı istintaq başladılıb.
O zaman millət vəkili olan Özdağın toxunulmazlığının ləğvi üçün 9 mart 2020-ci ildə sənəd tərtib edilib. 14 may 2023-cü il seçkilərində yenidən millət vəkili seçilmədiyi üçün ittiham aktı hazırlanıb.
