Yeni Azərbaycan Partiyası Kəlbəcər rayon təşkilatı rayon Ağsaqqalar Şurası ilə birlikdə Ulu öndər Heydər Əliyevin anadan olmasının 102-ci ildönümünə həsr olunmuş "Azərbaycanın gələcəyi naminə - nəsillərin dialoqu" adlı tədbir keçirdi.
Tədbirdə YAP Kəlbəcər rayon təşkilatının sədri Həbib Misirov, Kəlbəcər rayon İcra Hakimiyyətinin məsul əməkdaşı Əli Alışanov, Kəlbəcər rayon Ağsaqqalar Şurasının sədri Aqil Məmmədov,rayon Həmkarlar komitəsinin sədri Əli Bağırov, Gənclər və İdman sektorunun müdiri Musa Mamedov, Ərazi Partiya təşkilat sədrləri -Azər Xankişiyev, Amil Salmanov, Hikmət Yusibov,partiyanın veteran üzvüləri, ziyalılar və gənçlər iştirak etdilər.Tədbir iştirakçıları Ulu Öndər Heydər Əliyevin, Azərbaycanın ərazi bütövlüyü və suverenliyi uğrunda canlarını qurban vermiş şəhidlərin əziz xatirəsini bir dəqiqəlik sükutla yad etdilər. YAP Kəlbəcər rayon təşkilatının sədri Həbib Misirov çıxış edərək bildirdi ki, Ulu Öndər Heydər Əliyevin xalqın tələb və təkidi ilə yenidən hakimiyyətə qayıdışı nəticəsində Azərbaycan dövlətçiliyi böyük təhlükələrdən xilas oldu, ölkənin ictimai-siyasi, sosial-iqtisadi, elmi-mədəni həyatında və ən əsası beynəlxalq əlaqələrində əsaslı dönüş yarandı.Bu gün Ulu Öndərin təməlini qoyduğu uğurlu siyasi kurs Prezident İlham Əliyev tərəfindən müasir dünyanın tələblərinə uyğun layiqincə davam etdirilir. Xalqımız ölkənin bütün ərazisində Azərbaycan Konstitusiyasının hüquqi qüvvəsinin tam bərpa olunmasının qürurunu yaşayır.Qarabağ və Şərqi Zəngəzur torpaqlarının işğalçılardan azad edilməsi ilə həmin ərazilərdə yenidənqurma, bərpa işlərinə start verilmiş və quruculuq layihələri sürətlə davam etdirilməkdədir. Dövlət Başçısı cənab İlham Əliyevin bilavasitə rəhbərliyi və Azərbaycan Respublikasının Birinci vitse - prezidenti Mehriban xanım Əliyevanın yaxından iştirakı ilə işğaldan azad edilmiş şəhər və rayonlarımızda zəruri infrastrukturun yaradılması üzrə misli görünməmiş çoxşaxəli işlər həyata keçirilir. Kəlbəcər rayon Ağsaqqalar Şurasının sədri Aqil Məmmədov çıxış edərək bildirdi ki, 1991-ci ildən Azərbaycanda cərəyan edən mürəkkəb və eyni zamanda ziddiyyətli proseslər, həmçinin ölkənin müstəqilliyi üçün təhdidlərin meydana çıxması, vətəndaş qarşıdurmasının güclənməsi, anarxiya mühitinin dərinləşməsi onu göstərdi ki, ölkəni yaranmış ağır vəziyyətdən yalnız Ulu Öndər Heydər Əliyev kimi güclü lider,uzaqgörən siyasətçi xilas edə bilər. Ümummilli Lider Heydər Əliyev 1993-cü ildə xalqın təkidli çağırışlarına cavab verərək hakimiyyətə geri qayıtdı, Azərbaycanın fəlakətlərlə üz-üzə qaldığı bir dövrdə həyatını təhlükəyə ataraq, xalqımızın tarixinə milli dövlətçiliyin xilaskarı kimi daxil oldu. 44 günlük Vətən müharibəsində qazanılan hərbi-siyasi Zəfərdən sonra qarşıda duran ən mühüm vəzifə işğaldan azad olunan ərazilərin ən qısa zaman ərzində bərpası və yenidən qurulması, 30 ilə yaxın məcburi köçkün həyatı yaşamış insanların öz doğma yurdlarına qayıdışının təmin edilməsidir.Tədbirdə çıxış edənlər RİH-in məsul işçisi Əli Alışanov,Əli Bağırov, İkram Salmanov, Mahir Muxtarov,Fikrət Baxşalıyev və digərləri qeyd etdilər ki, Ulu Öndər Heydər Əliyevin qurduğu Azərbaycan bu gün onun davamçısı Prezident İlham Əliyevin rəhbərliyi altında müstəqil siyasəti ilə beynəlxalq arenada öz sözünü deyir və inkişaf edir.Çıxışçılar bildirdilər ki, bu gün Azərbaycanın müxtəlif spektrlərdə əldə etdiyi uğurların əsasında Prezident İlham Əliyevin qətiyyəti, əzmkarlığı və Ulu Öndərin siyasi, mənəvi irsinin layiqincə yaşadılması dayanır. 44 günlük Vətən müharibəsində qazanılan möhtəşəm Zəfərdən dərhal sonra işğaldan azad edilmiş Qarabağ və Şərqi Zəngəzurda həyata keçirilən, milli dirçəlişin, tarixi ədalətin bərpasının rəmzinə çevrilən "Böyük Qayıdış"a dair qəbul olunmuş dövlət proqramı uğurla həyata keçirilir.
Sonda partiya sıralarına yeni daxil olan üzvlərə vəsiqələr, veteranlara isə Fərxi fərmanlar tədqim edildi.
