Sosial şəbəkələrdə yayılan xəbərlərə əsasən Saray qəsəbəsində yerləşən “Saray MTK” Yaşayış Kompleksinin sakinləri 4 gündür susuz qalıb. Sakinlər bu barədə etiraz edirlər. SİA mövzu ilə bağlı İri Şəhərlərin Birləşmiş Su Təchizatı Xidmətinə sorğu ünvanlayıb.
Qurumdan bildirilib ki, İri Şəhərlərin Birləşmiş Su Təchizatı Xidməti MTK-larda suya nərazət prosesini yalnız suyun ötürüldüyü anbara qədər həyata keçirmək səlahiyyətinə malikdir: “Qeyd olunan MTK-da içməli su ilə bağlı yaranan problem həmin şirkətin daxili xətlərində baş verib. İri Şəhərlərin Birləşmiş Su Təchizatı Xidmətinin MTK-ya ötürdüyü su şəbəkəsində heç bir problem yoxdur”.
Ayşən Vəli
