Böyük texnoloji şirkətlər və xarici hökumətlər tərəfindən qəti şəkildə etiraz edilən yarımkeçirici ticarət məhdudiyyətlərini nəzərdən keçirən Trump administrasiyası, məsələ ilə tanış olan insanlara görə, süni intellekt çipləri ilə bağlı tədbirləri ləğv etməyi planlaşdırır.
Ləğvi hələ dəqiqləşdirilməyən bu qərar, keçmiş ABŞ prezidenti Co Bayden dövründə verilib. Qərarın məqsədi “Nvidia Corp.” və digər şirkətlər tərəfindən çip ixracatını tənzimləmək üçün üç hərtərəfli ölkə qrupunun yaradılmasını tələb edən siyasəti yenidən formalaşdırmaq olub.
Mənbələrə görə, Tramp administrasiyası mayın 15-də qüvvəyə minməsi planlaşdırılan süni intellekt diffuziya qaydasını tətbiq etməyəcək. Səudiyyə Ərəbistanı və Birləşmiş Ərəb Əmirlikləri də daxil olmaqla, bir sıra ölkələrin süni intellekt çiplərinin satışına qoyduğu məhdudiyyətlərə etiraz etmişdi. Qərarın ləğvi bağlı müzakirələr ABŞ prezidenti Donald Trampın Yaxın Şərqə səfəri öncəsi meydana gəlib.
Baydenin vəzifəsinin son həftəsində elan edilən diffuziya qaydası, yarımkeçirici ticarətində illərlə artan məhdudiyyətlərdən sonra ən son addım olan Süni intellekt çiplərinin dünyanın çox hissəsinə daşınması üçün ABŞ-a yeni lisenziyalaşdırma öhdəlikləri qoydu.
Bu tədbir Çinin süni intellekt çip texnologiyasının vasitəçilər yolu ilə əldə etməsinin qarşısını almaq və Amerika texnologiyasına çıxış üçün şərait yaratmaqla daha çox ölkəni ABŞ-ın təsir dairəsinə cəlb etmək məqsədi daşıyırdı.
Ticarət Departamentinin Sənaye və Təhlükəsizlik Bürosu verdiyi açıqlamada, “Baydenin süni intellekt qaydası həddən artıq mürəkkəb, həddən artıq bürokratik və Amerika innovasiyalarını boğacaq bir tədbir idi. Biz bunu Amerika innovasiyalarını ortaya çıxaracaq və Amerikanın süni intellekt üzərində hökmranlığını təmin edəcək daha sadə bir qayda ilə əvəz edəcəyik”, – deyilir.
