ain.az, Oxumeni.az saytına istinadən bildirir.
Amazon cəngəlliyində yoxa çıxan təyyarənin sərnişinlərinin taleyi məlum olub
Təyyarə Boliviyada Amazon cəngəlliyində qəzaya uğrayandan sonra beş nəfər iki gün timsahlarla dolu bataqlıqda qalıb, CNN xəbər verir.
Pilot, üç qadın və bir uşağı daşıyan yüngül təyyarə çərşənbə günü qəzaya uğrayıb, lakin xilasedicilər mayın 2-i cümə günü səhərə qədər qurbanları tapa bilməyiblər. Boliviya Müdafiə Nazirliyinin məlumatına görə, qrupdan heç biri ciddi xəsarət almayıb. Bütün bu müddət ərzində insanlar şokolad və manok unu daxil olmaqla rasionlarla qidalanırdılar.
27 yaşlı pilot Pablo Andres Velarde, "Biz bataqlığa düşdük və onun düz yanında timsah yuvası var idi. Amma təyyarədən tökülən yanacaq suyu çirkləndirdi və onun kəskin qoxusu onları qorxutdu və bizə hücum etmədilər.
Sərnişinlərdən biri Mirta Fuentes etiraf edib ki, o, hələ də təyyarə qəzasında sağ qaldığına inana bilmir və pilota "sürətli düşüncə və zəkaya" görə təşəkkür edib.
Məlumata görə, təyyarə aprelin 30-da Boliviyanın şimalındakı Baures bələdiyyəsindən havaya qalxıb və Trinidad şəhərinə gedirmiş. Havaya qalxdıqdan bir saat sonra pilot texniki nasazlıqlar barədə məlumat verib və əlaqəni kəsib. Mayın 2-də təyyarə bir qrup balıqçı tərəfindən aşkar edilib. Onlar Beni departamentindəki İqnasio Muiba körpüsünün yaxınlığında kömək çağırışları eşidiblər. Sərnişinlər xəstəxanaya yerləşdirilib.
Əziz Mustafa, Oxuməni.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
