Ötən həftənin 5-ci günü Ombudsmanın Milli Prevetiv qrupun üzvləri, Müsavat Partiyasının üzvü Tofiq Yaqublu ilə görüş keçiriblər. Bu barədə Ombudsman Aparatının mətbuat katibi Araz Əsgərli anews.az-a açıqlamasında deyib.
Onun sözlərinə görə, görüş zamanı Tofiq Yaqublunun bütün müraciəti və fikirləri dinlənilib.
"Ötən həftənin beşinci gün Tofiq bəylə Ombudsmanın göstərişi ilə görüş keçirilib. Onun ailəsinə də bu barədə məlumat verilib. Görüş zamanı həkim, psixoloq da iştirak edib. Ətraflı söhbət aparılıb.",- mətbuat katibi vurğulayıb.
Mayın 5-də Tofiq Yaqublunun vəkili Nemət Kərimli onunla görüş keçirib.
Vəkil bildirib ki, onu vəziyyəti pisə doğru gedir.
"Artıq aclığının 36-cı günüdür. Onun vəziyyəti əvvəlki günlərə baxanda daha da pisə doğru gedir. Çox çətin hərəkət edir. Oturub durmaqda əziyyət çəkir. Mənə dedi ki, gecələri rahat yata bilmir. Ağrılarda görə ağrıkəsici qəbul edir. Yaddaşında zəiflələmələr var. Görüş cəmi 15 dəqiqə keçdi. Çox otura bilmir. Uzanmaq istəyir. Məhkəmədən onun ev dustaqlığına buraxılması üçün vəsatat istəmişik. Ədalətli cavab gözləyirik",- vəkil vurğulayıb.
Tofiq Yaqublu dekabrın 15-də Nərimanov Rayon Məhkəməsində ona qarşı Cinayət Məcəlləsinin 178.3.2 (dələduzluq-külli miqdarda ziyan vurmaqla törədildikdə) və 320.1-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama və ya satma) maddələri ilə ittihamın irəli sürülüb.
Tofiq Yaqublu 9 il müddətinə azadlıqdan məhrum edilib.
Aytac Zeynalova
