Xıdırelləz hər il 5–6 may tarixlərində qeyd olunan, təbiətin oyanışı, bolluq, sağlamlıq və eşq arzularının göndərildiyi, min illər əvvələ dayanan bir bayramdır. Bu il Xıdırelləz əsas rituallarından biri isə dəfnə yarpağı ilə dilək tutmaqdır.
News24.az 7 addımda dəfnə yarpağı ritualını təqdim edir:
1. Məkanın hazırlanması
Rituali açıq havada – mümkün olsa güllərlə dolu bir bağda və ya balkonunuzda edin.
Təmiz bir parça sərib üzərini təravətli çiçək ləçəkləri və ya dəfnə budaqları ilə bəzəyin.
2. Niyyətin müəyyən edilməsi
Sakit bir küncdə oturun. Gözlərinizi yumub dərindən nəfəs alın. Ürəyinizdəki əsas arzunu dəqiqləşdirin.
3. Diləklərin yazılması
Kağıza qısa, müsbət və konkret cümlələrlə diləyinizi yazın:
Məsələn: “Sağlam bir il keçirmək istəyirəm.”
Əgər gül suyu varsa, səhifənin kənarlarına bir neçə damla səpin.
4. Dəfnə yarpağı mərhələsi
Dəfnə yarpağını ovucunuzda tutun. Diləyinizi ürəkdən yüksək səslə söyləyərək yarpağa ötürün.
Daha sonra diləyinizi oxunaqlı şəkildə yarpağın üzərinə yazın.
5. Şamı yandırmaq və enerjini yüksəltmək
Dəfnə yarpağını ağ şamın yaxınlığında tutun və diqqətlə yandırın.
Alov yüksələrkən bu və ya bənzər bir niyyəti təkrarlayın:
“Açılan qəlbim və canlanan dağlar qədər bərəkətlə dolsun.”
6. Küllərin toplanması
Şam sönənə qədər gözləyin. Sönəndən sonra külü toplayın.
Külü ya torpağa basdırın, ya da axar suya buraxın – bu arzunuzun torpaq və su ilə birləşərək həyata keçməsinə vasitə olur.
7. Daş və ya Dəniz qabığına simvol çəkmək
Əgər diləyiniz bir simvolla ifadə oluna bilərsə (məsələn ürək, gözmuncuğu, ulduz), bu simvolu kiçik bir daşın və ya dəniz qabığının üzərinə çəkin.
Bu əşyanı pəncərə önündə saxlayın və ya bağçaya basdıra bilərsiniz.
Məryəm İlhamqızı
