Havada hərəkəti idarəetmə dispetçerinin ixtisas qeydləri bir neçə kateqoriyadan ibarətdir.
Heftelik.az-ın məlumatına görə, bu, “Aviasiya personalına şəhadətnamələrin, vəsiqələrin və ya sertifikatların verilməsi və digər dövlətdə verilmiş analoji sənədlərin tanınması Qaydaları”nda əksini tapıb.
Bu kateqoriyalar arasında aerodrom idarəetmə, yaxınlaşmanı idarəetmə və yaxınlaşmanın radar idarəedilməsi mövcuddur. Ərazinin prosedural kontrolu və ərazinin nəzarət kontrolu ixtisas qeydləri də mövcuddur. Dispetçerlər üçün əlavə qeydlər, məsələn, AIR, GMC, TWR, RAD və s., şəhadətnamələrinə daxil edilə bilər. Bu qeydlər, dispetçerin daha geniş xidmətlər göstərməsi üçün nəzərdə tutulur. Bölmə qeydi isə şəhadətnamə sahibinə konkret sektor və ya vəzifə üzrə xidmət göstərmək imkanı verir. Bölmə qeydi üçün ərizəçi xüsusi kurs keçməlidir. Hər bir ixtisas qeydi və əlavə qeydlər müddətlidir. Bu qeydlərin etibarlılıq müddətinin uzadılması və ya yenilənməsi Agentlik tərəfindən müəyyən edilmiş qaydalara uyğun həyata keçirilir.
