Ağdamda üçotaqlı ev əşyaları ilə birlikdə yanıb.
Avtosfer.az-ın məlumatına görə, yanğın hadisəsi rayonun İmamqulubəyli kəndi ərazisində baş verib.
Belə ki, Ağdam rayon Papravənd kənd sakini Məmmədov Heydər Əbülfət oğluna məxsus ev tamamilə yanıb.
Hadisə yerinə FHN-nin yanğınsöndürən əməkdaşları gələrək alovun yaxınlıqdakı evlərə keçməsinin qarşısını alıb. Baş vermiş yanğın hadisəsi zamanı xəsarət alan olmasa da, içindəki əşyalar yanıb.
Faktla bağlı araşdırma başlanıb, yanğının baş vermə səbəbi araşdırılır.
