“İnter”in baş məşqçisi Simone İnzaqi UEFA Çempionlar Liqasının ilk yarımfinal oyunundan (3:3) sonra “Barselona”nın çıxışından danışıb.
“İnter” 21-ci dəqiqəyə kimi 2:0 öndə olsa da, fasiləyə qədər üstünlüyünü itirib. İkinci hissədə qonaqlar yenidən hesabda önə keçsələr də, “Barsa” dərhal cavab qolunu vurub.
Sportinfo.az xarici KİV-ə istinadən xəbər verir ki, italiyalı çalışdırıcı “Barselona”nın çox riskli oyun oynadığını deyib:
“Barselona” çox riskli oyun oynayır, amma strategiya öz bəhrəsini verir. Onlar bu mövsüm 150-dən çox qol vurublar və artıq iki kubok qazanıblar.
Hələ də daha iki turnirdə mübarizə aparırlar. Biz bu gün çox yüksək səviyyədə çıxış etdik”.
Tərəflər arasında cavab matçı mayın 6-da Milanda keçiriləcək.
