Polşa hökuməti Aİ-dən büdcə kəsirinin tavanının hesablanması zamanı müdafiə xərclərini istisna etməyə icazə verilməsini xahiş edib.
Herbiand.az bildirir ki, bu barədə Polşanın Maliyyə Nazirliyi məlumat yayıb.
“Polşa Avropa Komissiyasına Aİ-nin maliyyə qaydalarından azadlığın tətbiqi ilə bağlı sorğu təqdim edib. İstifadə Aİ-nin İqtisadi-Maliyyə Şurası tərəfindən tövsiyə olunan xərclər səviyyəsindən Ukraynadakı vəziyyətlə müqayisədə müdafiə xərclərinin artımı çərçivəsində, lakin ÜDM-in 1,5%-dən çox olmamaq şərti ilə kənara çıxmağa imkan verir”, - nazirliyin açıqlamasında deyilir.
Məlumata görə, aprelin sonunadək ölkələrin təqdim etdiyi ərizələrlə bağlı qərar iyulun 8-də veriləcək.
Dövlətlərin hərbi xərclərini artırmasını asanlaşdırmaq üçün Avropa Komissiyası Aİ ölkələrinə onların xahişi ilə Aİ-nin növbəti dörd il üçün maliyyə azadlığı bəndini aktivləşdirməyi vəd edib ki, Aİ-nin hərbi məqsədlər üçün büdcə intizamı tələblərini yüngülləşdirsin. Belə bir tələbi elan edən ilk Aİ dövləti Yunanıstan olub.
Bəxtiyar CƏFƏRLİ
