Hindistanın müdafiə naziri Rajnath Singh və onun fransalı həmkarı Sebastien Lecornu Hindistan Hərbi Hava Qüvvələrinə 26 Fransız Dassault Rafale qırıcısının tədarükü üçün müqavilə imzalayıb.
Herbiand.az xəbər verir ki, bu barədə Hindistan Müdafiə Nazirliyinin rəsmi saytında məlumat verilib.
Dəyəri 640 milyard rupi (təxminən 6,58 milyard avro) olan müqavilə 22 Rafale-M döyüş təyyarəsi və dörd Rafale-D təlimçisinin tədarükünü əhatə edir. Yeni Dehlinin qırıcıları 2030-cu ilə qədər qəbul edəcəyi gözlənilir. Bundan başqa, saziş Hindistanda Rafale füzelyajı istehsalının yaradılmasına, həmçinin təyyarə mühərriklərinin, sensorların və silahların texniki xidməti, təmiri və əsaslı təmiri üçün obyektlərin yaradılmasına imkan verir.
