Bank hesabı açılmadan əvvəl müştəri uyğunluğu tədbirləri həyata keçirilməlidir.
Heftelik.az-ın məlumatına görə, bu, Bank hesablarının açılması, aparılması və bağlanması Qaydasında əksini tapıb.
Bu, “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunla tənzimlənir. Hər bir müştəri üçün verifikasiya və risk qiymətləndirmə prosesi tətbiq olunur. Birgə hesab açıldıqda, hər bir hesab sahibi üçün müvafiq müştəri uyğunluğu tədbirləri ayrı-ayrılıqda həyata keçirilir. Müraciət edən şəxslərdən tələb edilən sənədlər, beynəlxalq müqavilələrə uyğun şəkildə təqdim edilməlidir. Bu tədbirlər, müştəri profilini risk qruplarına aid etməyə yönəlir.
