"Real Madrid" "Çelsi"nin yarımmüdafiəçisi Enzo Fernandes ilə maraqlanır.
90deqiqe.Az-ın "Todofichajes"ə istinadən verdiyi xəbərə görə, 24 yaşlı futbolçunun adı "kral" klubunun transfer hədəflərindən biri olaraq qalır.
Argentinalı yarımmüdafiəçinin yüksək qiymətinə görə bu transferi reallaşdırmaq asan olmayacaq. Lakin "qaymaqlılar"ın rəhbərliyi "Çelsi"yə 20 yaşlı Arda Gülər üçün mübadilə və əlavə olaraq 40 milyon avro təklif etməyə hazırdır.
Transfermarkt Enzo Fernandesin dəyərini 75 milyon avro, Arda Gülərin qiymətini isə 45 milyon avro olaraq qiymətləndirir. Futbolçuların cari müqavilələri müvafiq olaraq 2032 və 2029-cu ilə qədərdir.
