ABŞ-nin Milli Aeronavtika və Kosmos Agentliyi (NASA) qalaktikamızda saatda 117 000 kilometrdən çox sürətlə hərəkət edən və potensial dağıdıcı gücə malik “zombi ulduz”u izləyir.
Moderator.az Teleqraf-a istinadən xəbər verir ki, obyekt Süd Yolunda məlum olan 30 maqnitardan biridir.
Maqnitarlar tamamilə neytronlardan ibarət ölü ulduzların qalıqlarıdır.
SGR 0501+4516 adlı maqnitar Günəşdən daha çox kütləyə və Yer kürəsinin maqnitosferindən təxminən 1 trilyon dəfə güclü maqnit sahəsinə malikdir.
Obyekt “Hubble” kosmik teleskopundan istifadə edən tədqiqatçılar tərəfindən kəşf edilib.
NASA maqnitarın kainatın naməlum hissəsindən gəldiyini, amma kainatın bəzi böyük sirlərinə işıq sala biləcəyini iddia edir.
“Əgər bir insan maqnitara 600 mil (təxminən 1000 km) yaxın məsafədə olsaydı, cisim bədəndəki hər atomu da parçalayardı və elmi fantastika filmlərinin məşhur şüalanma səhnəsi real olardı”, - tədqiqatçılar deyirlər.
Astronomlar əvvəllər SGR 0501+4516-nın qonşu fövqəlnovanın nüvəsinin dağılması nəticəsində əmələ gəldiyini düşünsələr də, yeni müşahidələr onun doğulduğu yeri şübhə altına alır. Bu kəşf o deməkdir ki, maqnitar ya iddia edilən 20 000 yaşından çox yaşlıdır, ya da iki neytron ulduzunun birləşməsi nəticəsində yaranıb.
Kəşfə imza atan komandaya rəhbərlik edən Eşli Kriyms söyləyir: “Maqnitarlar tamamilə neytronlardan ibarət neytron ulduzlardır (ölü ulduzların qalıqları)”.
Maqnitarları unikal edən onların son dərəcə güclü maqnit sahələridir, Yer kürəsinin maqnit sahəsindən milyardlarla dəfə güclüdür.
Tədqiqat qrupu maqnitarın qalaktikamızdakı yolu və mənşəyini daha yaxşı anlamaq üçün müşahidələrini davam etdirəcək.
