Xarkov vilayətinin Kupyansk şəhəri 90% dağıdılıb və ya zədələnib.
Musavat.com xəbər verir ki, bu barədə şəhər hərbi administrasiyasının rəhbəri Andrey Besedin telemarafonda deyib.
Onun sözlərinə görə, cəmiyyətdə vəziyyət hələ də kritik olaraq qalır.
“Şəhərin 90%-i artıq dağıdılıb və ya zərər görüb”, – Besedin qeyd edib.
O əlavə edib ki, Rusiya qoşunları idarə olunan hava bombaları, artilleriya, reaktiv sistemlər və FPV pilotsuz uçuş aparatlarından istifadə etməklə yaşayış məntəqələrinin mərkəzi ərazilərinə zərbələr endirməkdə davam edir.
23 may tarixində Kupyanskın atəşə tutulması zamanı UAB və “Uraqan”dan istifadə olunub, iki kommunal xidmət işçisi həlak olub. Daha əvvəl bir nəfərin öldüyü, bir nəfərin yaralandığı bildirilib.
Administrasiya rəhbərinin sözlərinə görə, icmanın ərazisində təxminən 1700 mülki sakin qalır. O, sakinləri yenidən evakuasiya olunmağa çağırıb.
