19 yaşadək futbolçular arasında Azərbaycan çempionatında baş verən xoşagəlməz hadisə AFFA-da müzakirə olunub.
Sportinfo.az xəbər verir ki, qurumun İntizam Komitəsi Gənclər Liqasında keçirilən “Kəpəz” – “Səbail” matçında dalaşan futbolçularla bağlı qərar verib.
Hadisə meydan sahiblərinin oyunçusu Nihad İsaqov və Bakı klubunun futbolçusu Murad Muradzadə arasında baş verib.
Onların hər ikisi qarşılaşmanın 71-ci dəqiqəsində təcavüzkar davranışa (rəqibi əli ilə vurduğuna) görə qırmızı vərəqə ilə meydandan kənarlaşdırılıb. AFFA futbolçuları 4 oyunluq diskvalifikasiya edib.
