Bakı və Abşeron-Xızı regionları üzrə musiqi və incəsənət məktəblərində çalışan müəllimlərin attestasiyası davam edir.
Bu barədə Publika.az-a Mədəniyyət Nazirliyindən məlumat verilib.
Qeyd edilib ki, mayın 12-də start götürən attestasiya prosesinin ilk günündə Bakı və Abşeron-Xızı regionları üzrə əvvəlki mərhələdə üzrlü səbəbdən iştirak edə bilməyən təhsilverənlərin attestasiyası keçirilib.
23 may tarixinədək davam edəcək attestasiyaya Quba-Xaçmaz, Mil-Muğan və Şirvan-Salyan regionları üzrə 20 musiqi və incəsənət məktəbinin fortepiano və musiqi nəzəriyyəsi ixtisasları üzrə 568 müəllimi cəlb olunacaq.
